أحكام القانون

ماده‌ی هه‌ژده‌م: ئه‌فسه‌ری خراوه‌ سه‌ر لیستی نیوه‌ مووچه‌، له‌ رۆژی خستنه‌ سه‌ر لیستی نیوه‌ مووچه‌وه‌ ئه‌و مووچه‌یه‌ی پێده‌درێ و ده‌بێ مل كه‌چی یاسا و فه‌رمانه‌ سه‌ربازییه‌كان بێت.

ماده‌ی چوارده‌م: فه‌رمانده‌ی گشتی له‌سه‌ر پێشنیاری وه‌زیر بۆی هه‌یه‌ گرێبه‌ستی ئه‌فسه‌ر هه‌ڵوه‌شێنێته‌وه‌ ئه‌گه‌ر ده‌ركه‌وت پابه‌ند نیه‌ به‌ دابونه‌ریت ودیسپلینی خزمه‌تی پێشمه‌رگه‌ (زێڕه‌ڤانی هه‌رێم)، ئه‌مه‌ش له‌سه‌ر بڕیاری ئه‌نجومه‌نی لێكۆڵینه‌وه‌كه‌ بۆ ئه‌م مه‌به‌سته‌و پێك هاتبێت له‌سه‌ر راسپارده‌ی به‌رپرسه‌كانی به‌ زنجیره‌ی به‌رپرسیه‌تی.

مادده‌ی چواره‌م: بڕگه‌ی یه‌كه‌م له‌ مادده‌ی (31) هه‌موار ده‌كرێ و به‌م شێوه‌یه‌ ده‌بێت: راگری په‌یمانگا به‌ بریاری ئه‌نجومه‌نی خوێندنی باڵا داده‌مه‌زرێت، به‌و مه‌رجه‌ی پله‌كه‌ی (مدرس) یان سه‌روه‌تر بێت.

مادده‌ی نۆیه‌م: 1. ده‌ستدانه‌ پیشه‌ ته‌نها بۆ ئه‌و كه‌سانه‌یه‌ كه‌ ئه‌ندامی سه‌ندیكان وهه‌موو هه‌لومه‌رجێكیان به‌ پێی ئه‌م یاسایه‌ لێ دێته‌ دی. 2. پێویسته‌ فه‌رمانگه‌ ره‌سمی ونیمچه‌ ره‌سمیه‌كان و دام وده‌زگاكانی دیكه‌ی هه‌رێم وێنه‌یه‌ك له‌ فه‌رمانی دامه‌زراندنی ئیش پێ كردنی ئه‌و پزیشكه‌ی كه‌ ئه‌ندامه‌ بنێرێ بۆ سه‌ندیكا.

مادده‌ی سی و چواره‌م: پێشمه‌رگه‌(زێڕه‌ڤانی هه‌رێم) مافی خانه‌نشینی له‌م حاڵه‌تانه‌ خواره‌وه‌ پێده‌درێ: یه‌كه‌م: مردنی له‌ كاتی خزمه‌ت یاخود له‌ ئه‌نجامیدا ئه‌گه‌ر خزمه‌ته‌كه‌ی وه‌ك پێشمه‌رگه‌ له‌ (15)پازده‌ سالأ كه‌متر بێ دوای ئه‌وه‌ی كه‌ خزمه‌ته‌كه‌ی ده‌گه‌یه‌نرێته‌ (15)سالأ. دووه‌م: شه‌هید له‌به‌ره‌ی شه‌ڕو ئۆپراسیۆنی سه‌ربازی ماف و ئیمتیازاتی به‌پێی یاساكانی وه‌زاره‌تی كاروباری شه‌هیدان و ئه‌نفالكراوه‌كان. پێده‌درێ. سێیه‌م: بڕگه‌ی(یه‌كه‌م)ی سه‌ره‌وه‌ ئه‌و پێشمه‌رگه‌یه‌ ده‌گرێته‌وه‌ كه‌ به‌رده‌وام بووبێ له‌ خزمه‌ت به‌ر له‌ راپه‌ڕێنه‌كه‌ی 5/3/1991تاكو رۆژی مردنی. چواره‌م: ئه‌وانه‌ی كه‌ حوكمه‌كانی ئه‌م مادده‌یه‌ ده‌یانگرێته‌وه‌ دۆسیه‌كانیان بۆ وه‌زاره‌تی كاروباری شه‌هیدان و ئه‌نفالكراوه‌كان وه‌ك لایه‌نی په‌یوه‌ندیدار ده‌گوازرێته‌وه‌ .

مادده‌ی چل و یه‌كه‌م: هه‌موو ئه‌و كارمه‌ندانه‌ی له‌ هێزه‌كانی پێشمه‌رگه‌ی كوردستاندا كار ده‌كه‌ن به‌ پێشمه‌رگه‌ داده‌نرێن به‌ پله‌ و پایه‌ و ناونیشانی ئێستایان و هه‌موو مافێكی خانه‌نشین پێشمه‌رگه‌یان ده‌كه‌وێ.

مادده‌ی سی و حه‌وته‌م: ئه‌گه‌ر خانه‌نشین كراو به‌ فه‌رمانی فه‌رمانده‌یی گشتی هێزه‌كانی زیره‌ڤانی كوردستان گه‌رێنرایه‌وه‌ بۆ خزمه‌ت، ئه‌وا پاداشتی خانه‌نشینی بۆ جاری دووه‌م پێ نادرێ.

مادده‌ی چله‌م: له‌ كاتی هه‌موار كردن و گۆڕانی سیسته‌می مووچه‌، مووچه‌ی خانه‌نشینكراو له‌گه‌ڵ مووچه‌ی پێشمه‌رگه‌ی به‌رده‌وام له‌ خزمه‌ت به‌ هه‌مان رێژه‌ و پله‌ و پایه‌ یه‌كسان ده‌كرێ.

مادده‌ی سی و شه‌شه‌م: خانه‌نشین كراو یان میراتگرانی له‌ مافه‌كانی خانه‌نشینی بێ به‌ش ده‌كرێن ئه‌گه‌ر ده‌ركه‌وت خیانه‌تی كردووه‌ یاخود هاریكاریی له‌گه‌ڵ لایه‌نه‌ دوژمنه‌كانی بزووتنه‌وه‌ی رزگاریخوازی كوردستان و حكومه‌تی هه‌رێمی كوردستان كردووه‌.

مادده‌ی سی و هه‌شته‌م: ئه‌وه‌ی كه‌ خانه‌نشین ده‌كرێ و مافه‌كانی خانه‌نشینی بۆ خه‌رج ده‌كرێ به‌ پێی حوكمه‌كانی ئه‌م یاسایه‌ نابێ مووچه‌یه‌كی فه‌رمی دیكه‌ وه‌رگرێ.

مادده‌ی دووه‌م: 1/ به‌ پێی ئه‌م یاسایه‌، سه‌ندیكایه‌ك به‌ناوی ((سه‌ندیكای ژمێركار وته‌دقیقكارانی هه‌رێمی كوردستانی عێراق)) داده‌مه‌زرێ، كه‌سایه‌تییه‌كی مه‌عنه‌ويی ده‌بێ و باره‌گاكه‌ی له‌ هه‌ولێری پایته‌ختی هه‌رێمدا ده‌بێ و، بۆیشی هه‌یه‌ له‌ جه‌رگه‌ی پارێزگاكانی هه‌رێمدا لق بۆ سه‌ندیكا بكاته‌وه‌. 2/به‌ ره‌زامه‌ندی لایه‌نه‌ په‌یوه‌ندداره‌كان، لیژنه‌یه‌كی ئاماده‌كاری پێك دێ له‌ (15) ئه‌ندام كه‌متر نه‌بێ، تا هه‌ڵبژاردنی گشتيی سه‌ندیكا وسه‌رپه‌رشتی كردنی له‌ماوه‌ی (3) سێ مانگدا ئه‌نجام ده‌درێ.