مادده‌ی یه‌كه‌م : مه‌به‌ست له‌م زاراوانه‌ خواره‌وه‌ واتاكانی به‌رامبه‌ریانه‌ بۆ مه‌به‌سته‌كانی ئه‌م یاسایه‌ : یه‌كه‌م: هه‌رێم : هه‌رێمی كوردستان- عێراق . دووه‌م:وه‌زاره‌ت : وه‌زاره‌تی ژینگه‌. سێیه‌م: وه‌زیر : وه‌زیری ژینگه‌. چواره‌م: بریكاری وه‌زاره‌ت : بریكاری وه‌زاره‌تی ژینگه‌ له‌ هه‌رێمی كوردستان. پێنجه‌م: ئه‌نجومه‌ن : ئه‌نجومه‌نی پاراستن وچاكردنی ژینگه‌ له‌ هه‌رێمی كوردستان. شه‌شه‌م: ئه‌نجومه‌نی پارێزگا : ئه‌نجومه‌نی پاراستن وچاكردنی ژینگه‌ له‌ پارێزگادا .

مادده‌ی دووه‌م : وه‌زاره‌ت ئه‌م ئه‌رك وفرمانانه‌ی خواره‌وه‌ پیاده‌ ده‌كا: یه‌كه‌م: پێشنیاز كردنی سیاسه‌تی گشتی بۆ پاراستنی ژینگه‌ له‌ پیسبوون و كاری چاكتر كردنی چۆنایه‌تیی ژینگه‌ وخستنه‌رووی به‌رده‌م ئه‌نجومه‌نی وه‌زیران بۆ په‌سند كردن. دووه‌م: ده‌رهێنانی رێنمایی تایبه‌ت به‌ ده‌ستنیشانكردن و به‌ندو به‌ستی(چوابگ) پیسكه‌ره‌كانی ژینگه‌و، چاودێریكردنی سه‌لامه‌تی به‌جێهێنانیان. سێیه‌م: پلاندانانی ساڵانه‌ و مامناوه‌ندو دوورخایه‌ن بۆ پاراستن و چاكتر كردنی ژینگه‌ . چواره‌م: هاوكاری و هه‌ماهه‌نگی له‌ نێوان وه‌زاره‌ته‌كان و ئه‌و لایه‌نانه‌شدا كه‌ په‌یوه‌ستی پاراستنی ژینگه‌ن . پێنجه‌م: پابه‌ندبوونی هه‌رێمی به‌و ڕێكه‌وتنامه‌ و په‌یماننامه‌ و پڕۆتۆكۆلانه‌ی له‌ لایه‌ن حكومه‌تی فیدڕاڵیه‌وه‌ په‌سه‌نكراوه‌. شه‌شه‌م: به‌ دواواچوونی سه‌لامه‌تی ژینگه‌ له‌میانه‌ی ئه‌نجامدانی پشكنینی په‌یوه‌ست به‌ پیسكه‌ره‌كانی ژینگه‌و ئه‌و فاكته‌رانه‌ی كاریگه‌ریان هه‌یه‌ له‌سه‌ر سه‌لامه‌تی ژینگه‌ به‌ هه‌مه‌هانگی له‌گه‌لأ وه‌زاره‌ت ولایه‌نه‌ په‌یوه‌ندیداره‌كان و ده‌ركردنی رێنمایی تایبه‌ت به‌ دیاركه‌رو به‌ندوبه‌ست(چوابگ)ی پیسكه‌ره‌كانی ژینگه‌و چاودێری كردنی سه‌لامه‌تی جێبه‌جێكردنی. حه‌وته‌م: ئه‌نجامدانی رووپێویه‌ ژینگه‌ییه‌كان به‌ هه‌ماهه‌نگی له‌گه‌ڵ لایه‌نه‌ په‌یوه‌ندیداره‌كانه‌وه‌. هه‌شته‌م: لابردن و چاره‌سه‌ر كردنی ئاسه‌واری چه‌كی كیمیایی،به‌هاوكاری له‌گه‌ڵ لایه‌نه‌ په‌یوه‌ندیداره‌كانه‌وه‌ بۆ پاككردنه‌وه‌ی كێلگه‌كانی مین و پاشماوه‌ی چه‌ك و جبه‌خانه‌و ئه‌وماددانه‌ی كه‌ بوونه‌ته‌ هۆی پیس بوونی ژینگه‌ . نۆیه‌م: هاندانی ئاماده‌كردن و بڵاوكردنه‌وه‌و توێژینه‌وه‌ و لێكۆلینه‌وه‌ی تایبه‌ت به‌ پاراستن و چاككردنی ژینگه‌ . ده‌یه‌م: هه‌ماهه‌نگی و هاوكاری له‌گه‌ڵ ده‌زگاكانی وه‌زاره‌تی فێركردنی باڵاوتوێژینه‌وه‌ی زانستی و وه‌زاره‌ته‌كانی دیكه‌دا، به‌ مه‌به‌ستی هاوكاری و توێژینه‌وه‌ و لێكۆڵینه‌وه‌ ژینگه‌ییه‌كان، دامه‌زراندنی ناوه‌ندی بۆ توێژینه‌وه‌ی ژینگه‌یی له‌ وه‌زاره‌ته‌كه‌دا به‌تایبه‌تیش لێكۆڵینه‌وه‌ی تایبه‌ت به‌به‌كار هێنانی چه‌كه‌ كیمیاویه‌كان له‌ كوردستان . یازده‌م: كار بۆ بڵاوكردنه‌وه‌ی وشیاری و ڕۆشنبیری ژینگه‌یی و وه‌گه‌رخستنی رۆڵی كۆمه‌ڵگای مه‌ده‌نی بكات له‌م بواره‌دا، وێرای بونیادنانی توانسته‌كانی مرۆڤ له‌ ڕێگه‌ی به‌رپاكردنی كۆڕو خولی راهێنانی تایبه‌ت به‌ پاراستنی ژینگه‌و هاندانیان. دوازده‌م: لێكۆڵینه‌وه‌و به‌دواداچوونی ڕاپۆرته‌كان بۆ هه‌ڵسه‌نگاندنی كاریگه‌ری ژینگه‌یی، كه‌ لایه‌نه‌ به‌رپرسه‌كان پێشكه‌شیان ده‌كه‌ن له‌مه‌ر ئه‌و پرۆژانه‌ی كه‌ داده‌مه‌زرێن و ئه‌وانه‌ی ئێستا دامه‌زراون بۆ په‌سه‌نكردنیان كردنیان یان ره‌تكردنه‌وه‌یان له‌ ماوه‌یه‌كی گونجاودا - له‌و ڕۆژه‌وه‌ كه‌ پێشكه‌ش به‌ وه‌زاره‌ت ده‌كرێن به‌هه‌ماهه‌نگی له‌گه‌لأ لایه‌نه‌ په‌یوه‌ندیداره‌كان . سیانزه‌م: كار كردن بۆ پاراستنی سروشت و جوانیه‌كانی و و دروست كردنی پاوانگه‌ی سروشتی به‌ هه‌ماهه‌نگی له‌گه‌ڵ وه‌زاره‌ته‌كان و لایه‌نه‌ په‌یوه‌ندیداره‌كانه‌وه‌ . چوارده‌م: گرتنه‌ به‌ری شێوازی پێویست بۆ پاراستنی مرۆڤ و ژینگه‌ له‌مه‌ترسیه‌كانی تیشكاوه‌ری زیان به‌خش و ئالوده‌گی ژینگه‌یی . پازده‌م: پشت به‌ستن به‌ نووسینگه‌و تاقیگه‌و لایه‌نه‌ راوێژكاریه‌كان بۆ ئاماده‌ كردنی راپۆرته‌كانی خه‌ملاندنی كاریگه‌ری ژینگه‌یی و ئه‌نجامدانی لێكۆلینه‌وه‌و شیكاری و پێوانه‌كان له‌ بواره‌كانی پاراستنی ژینگه‌ به‌پێی ئه‌و مه‌رجانه‌ی وه‌زاره‌ت دیاریان ده‌كات وئه‌مه‌ش به‌ ڕێنمایی ده‌رده‌چێت . شازده‌م: دانانی بنه‌ماكانی سه‌لامه‌تی بۆ چاره‌سه‌ركردنی پاشماوه‌و زبڵ و خاشاك و مادده‌ی زیانبه‌خش و ترسناك .

مادده‌ی چواره‌م : ئه‌نجومه‌نی پاراستن وچاكردنی ژینگه‌ : یه‌كه‌م: ئه‌نجومه‌ن له‌مانه‌ی خواره‌وه‌ پێك دێت: 1- وه‌زیر - سه‌رۆك . 2- بریكاری وه‌زاره‌ت – جێگری سه‌رۆك . 3- به‌ڕێوه‌به‌ره‌ گشتی یه‌كان –ئه‌ندام. 4- نوێنه‌رێك به‌پله‌ی به‌ڕێوه‌به‌ری گشتی به‌ هه‌ریه‌ك له‌م وه‌زاره‌تانه‌ی خواره‌وه‌: 1- وه‌زاره‌تی شاره‌وانی. 2- وه‌زاره‌تی فێركردنی باڵاو توێژینه‌وه‌ی زانستی 3- وه‌زاره‌تی پلاندانان . 4- وه‌زاره‌تی ده‌رامه‌ته‌كانی ئاو . 5- وه‌زاره‌تی ناوخۆ . 6- وه‌زاره‌تی كشتوكاڵ . 7- وه‌زاره‌تی ته‌ندروستی . 8- وه‌زاره‌تی پیشه‌سازی . 9- وه‌زاره‌تی سامانی سروشتی . 10- وه‌زاره‌تی گه‌شتو گوزار . 11- وه‌زاره‌تی كاره‌با . 12- وه‌زاره‌تی بازرگانی. 13- وه‌زاره‌تی گواستنه‌وه‌. 5- ئه‌ندامێكیش له‌ خاوه‌ن ئه‌زموون وپسپۆران له‌ پاراستنی ژینگه‌،وه‌زیر دایده‌نێ وبۆی هه‌یه‌ شاره‌زای تر به‌شدار پێ بكات به‌پێی پێویست. 6- نوێنه‌ری وه‌زاره‌تی په‌یوه‌ندیداره‌كانی تر له‌كاتی پێویست دا.

مادده‌ی پێنجه‌م : یه‌كه‌م: له‌هه‌ر پارێزگایه‌ك، ئه‌نجومه‌نێك داده‌مه‌زرێ، پێی ده‌ڵێن ( ئه‌نجومه‌نی پاراستن وچاكردنی ژینگه‌ی پارێزگا) . پارێزگار یان نوێنه‌ره‌كه‌ی سه‌رۆكایه‌تی ده‌كا . دووه‌م: ئه‌نجومه‌نی پێكهێنانی ئه‌نجومه‌نی پارێزگا، له‌ لایه‌نه‌كانی خه‌مخۆری پاراستن و چاككردنی ژینگه‌، له‌ پارێزگادا ده‌گرێته‌ ئه‌ستۆ، به‌پێی رێنمایی كه‌ ئه‌نجومه‌ن خۆی ده‌ری ده‌كا.

مادده‌ی شه‌شه‌م : یه‌كه‌م: ئه‌رك و فرمان وئیش وتایبه‌تییه‌كان و پێكهاته‌كانی وه‌زاره‌ت به‌ پێڕۆ دیار ده‌كرێت . دووه‌م: وه‌زیر بۆی هه‌یه‌، به‌ڕێوه‌به‌رایه‌تی یان به‌ش یان هۆبه‌ به‌پێی پێویستی وه‌زاره‌ت بكاته‌وه‌ یان یه‌كیان بخات یان ئیلغایان بكات.

مادده‌ی حه‌فته‌م: وه‌زیر بۆی هه‌یه‌،رێنمایی پێویست،بۆ ئاسانكاری جێبه‌جێكردنی حوكمه‌كانی ئه‌م یاسایه‌ ده‌ر بكات.

مادده‌ی هه‌شته‌م : هه‌ر ده‌قێك له‌گه‌ڵ حوكمه‌كانی ئه‌م یاسایه‌دا نه‌گونجێ، كاری پێ ناكرێت.

مادده‌ینۆیه‌م: پێویسته‌ له‌سه‌ر ئه‌نجومه‌نی وه‌زیران ولایه‌نه‌ په‌یوه‌ندی داره‌ كان، حوكمه‌كانی ئه‌م یاسایه‌ جێبه‌جێ بكه‌ن.

مادده‌ی ده‌یه‌م: ئه‌م یاسایه‌ له‌ ڕۆژی ده‌رچوونیه‌وه‌كاری پێده‌كرێت له‌ رۆژنامه‌ی ڕه‌سمی( وه‌قایعی كوردستان )بڵاو ده‌كرێته‌وه‌.

مادده‌ی یه‌كه‌م: مه‌به‌ست له‌م زاراوانه‌ی خواره‌وه‌ ماناكانیبه‌رامبه‌ریانه‌ بۆ مه‌به‌ستی ئه‌م یاسایه‌: یه‌كه‌م: هه‌رێم : هه‌رێمی كوردستان- عێراق . دووه‌م:ئه‌نجومه‌نی وه‌زیران: ئه‌نجومه‌نی وه‌زیرانی هه‌رێمی كوردستان ـ عیراق. سێیه‌م: ده‌زگا : ده‌زگای گشتی كاروباری (مین) له‌ هه‌رێمی كوردستان ـ عیراق. چواره‌م: سه‌رۆكی ده‌زگا : ده‌زگای گشتی كاروباری (مین) له‌ هه‌رێمی كوردستان ـ عیراق. پێنجه‌م: ئه‌نجومه‌ن:ئه‌نجومه‌نی به‌ڕێوه‌بردنی ده‌زگا. شه‌شه‌م: سه‌رۆكی ئه‌نجومه‌ن : سه‌رۆكی ئه‌نجومه‌نی به‌ڕێوه‌بردنی ده‌زگا. حه‌وته‌م: (مین) : كه‌ره‌سته‌ی ته‌قاندنه‌وه‌، كه‌ به‌شێوه‌یه‌كی ئاسایی له‌ قوتوۆیك دا ئاماده‌ ده‌كرێ به‌ ئامانجی كوشتنی كه‌سان وبرینداركردنیان وتێكشكاندنی ئۆتۆمبێل ووێرانكردنی موڵك وماڵی دیكه‌ وبه‌هۆی ئه‌و كه‌سه‌، یان ئه‌و ئۆتۆمبێله‌ی كراوه‌ به‌ ئامانج ده‌ته‌قێندرێنه‌وه‌، یاخود به‌هۆی به‌سه‌رچوونی كات. هه‌شته‌م: كاروباری مین : ئه‌و كرده‌وانه‌ن كه‌ له‌ پێناوی كه‌م كردنه‌وه‌یی كاریگه‌ری ئابووری وژینگه‌یی وكۆمه‌ڵایه‌تی ئه‌و مینانه‌ یاخود ئه‌و بڕه‌ی كه‌ نه‌ ته‌قیون ئه‌نجام ده‌درێن وئه‌و چالاكییانه‌ش ده‌گرێته‌وه‌ كه‌ په‌یوه‌ستن به‌لابردنی مین و هوشیاركردنه‌وه‌ی خه‌ڵكی له‌مه‌ترسیه‌كانی و یاریده‌دانی ئه‌و كه‌سانه‌ی كه‌ له‌ ئه‌نجامی ته‌قینه‌وه‌ی ئه‌و مینانه‌ بوونه‌ته‌قوربانی وتێك وپێكدانی یه‌ده‌گی عه‌مبار كراو له‌ مینی نه‌ته‌قیو وهاریكاریی وبه‌شداریی كردن له‌ قه‌ده‌غه‌كردن به‌كارهێنانی(مین)ی دژه‌ تاكه‌كان له‌سه‌رئاستی ده‌وڵه‌تان.

مادده‌ی دووه‌م: به‌پێی ئه‌م یاسایه‌ ده‌زگایه‌ك داده‌مه‌زرێ پێی ده‌گوترێ (ده‌زگای گشتی كاروباری مین له‌ هه‌رێمی كوردستان ـ عیراقدا) وباره‌گاكه‌ی له‌ هه‌ولێر ده‌بێ فه‌رمانبه‌رێك به‌ پله‌ی وه‌زیر سه‌رۆكایه‌تی ده‌كات وبه‌ ئه‌نجومه‌نی وه‌زیرانه‌وه‌ ده‌ به‌سترێته‌وه‌.

مادده‌ی سێیه‌م: ده‌زگا كه‌سایه‌تییه‌كی مه‌عنه‌وی وسه‌ر به‌خۆییه‌كی دارایی وكارگێڕی هه‌یه‌.

مادده‌ی چواره‌م: ئامانجی ده‌زگا به‌دیهێنانی ئه‌مانه‌ی خواره‌وه‌یه‌: یه‌كه‌م: كاركردن له‌ پێناوی پاككردنه‌وه‌ی هه‌موو ناوچه‌كانی هه‌رێم له‌و مینانه‌ی چێندراون وئه‌و ته‌قه‌مه‌نییانه‌ی كه‌ له‌ جه‌نگه‌كانی پێشوو دانراو نه‌ته‌وه‌ ونه‌ته‌قیونه‌ته‌وه‌. دووه‌م: كاركردن له‌ پێناوی هوشناركردنه‌وه‌و رۆشنبیركردنی هاووڵاتیان له‌ هه‌رێمدا له‌ باره‌ی مه‌ترسییه‌كانی (مین) له‌ رێگه‌ی هۆیه‌ جیاجیاكانی راگه‌یاندن وبه‌رنامه‌كانی خوێندن دا. سێیه‌م: پێشكه‌ش كردنی یارمه‌تی پێویست بۆ قوربانییه‌كانی (مین). چواره‌م: هاویكاری وبه‌شداریی كردن له‌ قه‌ده‌غه‌كردنی به‌كارهێنانی (مین)ی دژه‌ كه‌س وبه‌شداریی كردن له‌ كۆنگره‌ وكۆڕی نێوده‌وڵه‌تی په‌یوه‌ندیدار به‌كاروباری (مین). پێنجه‌م: هاو ئاهه‌نگی وهاریكاری كردن له‌گه‌لأ رێكخراوو مه‌ڵبه‌نده‌ خاوه‌ن پسپۆرییه‌كانی هاو شێوه‌ی ده‌زگا له‌ناو هه‌رێم وده‌ره‌وه‌یدا به‌ جۆرێكی وا كه‌ ئامانجه‌كانی ده‌زگا بێنێته‌دی.

مادده‌ی دووه‌م: وه‌زاره‌ت ئه‌م ئه‌ركانه‌ی خواره‌وه‌ی ده‌كه‌وێته‌ ئه‌ستۆ. یه‌كه‌م : پارێزگاریی ڕه‌سه‌نایه‌تی ڕۆشنبیریی كوردستانی ء كاركردن له‌ پێناو په‌ره‌پێدانی به‌جۆرێك كه‌ له‌گه‌ڵ به‌ها مرۆڤایه‌تیه‌كانی كۆمه‌ڵگای كوردستانیء گه‌شه‌پێدانی گیانی به‌ یه‌كه‌وه‌ ژیان ء برایه‌تی نێوان ڕۆڵه‌كانی گه‌لی كوردستان بڕوابه‌ڕێوه‌ و په‌یوه‌ندیی ڕۆشنبیریی له‌ نێوان گه‌لی كوردستان ء گه‌لانی ناوچه‌كه‌ ء جیهاندا ببه‌سترێ. دووه‌م : پشتگیریی كردنی بزووتنه‌وه‌ی دانان و وه‌رگێڕان وبڵاوكردنه‌وه‌ له‌ هه‌رێمدا و پشتگیری نووسه‌ر و ئه‌دیب و شاعیر و هونه‌رمه‌ند و رۆژنامه‌نووسان له‌ رێگه‌ی چاپكردن و یاریده‌دانی به‌رهه‌مه‌كانیانه‌وه‌. سێیه‌م : گرنگیدانێكی بابه‌تییانه‌ به‌ رۆشنبیریی منداڵان له‌ هه‌موو رووێكی ئه‌ده‌بی وهونه‌رییه‌وه‌. چواره‌م : دامه‌زراندنی كتێبخانه‌ی نیشتیمانیی له‌ هه‌رێمی كوردستان ـ عێراق. پێنجه‌م : هاندانی به‌هره‌ی ئه‌ده‌بی وهونه‌ری وزانستی داهێنه‌ر. شه‌شه‌م : هاندانی بزاڤی شانۆیی و هونه‌ره‌ میللیه‌كان. حه‌وته‌م : یارمه‌تیدان وهاندانی كارو چالاكییه‌كانی یه‌كێتی ورێكخراو ومه‌ڵبه‌ند وتیپه‌ رۆشنبیریی وئه‌ده‌بی وهونه‌ری وزانسییه‌كان. هه‌شته‌م : سازدانی میهره‌جان وبه‌ یه‌كگه‌یشتن وكۆبوونه‌وه‌ی رۆشنبیریی وئه‌ده‌بی ورێكخستنی پیشانگای هونه‌ری شێوه‌كاری به‌ هه‌موو جۆره‌كانیانه‌وه‌. نۆیه‌م : بووژاندنه‌وه‌ی كه‌له‌پووری نه‌ته‌وه‌یی میللی له‌ هه‌موو بواره‌كانی (ئه‌ده‌بی وهونه‌ری ـ تیپه‌میللیه‌كان) ودامه‌زراندنی مۆزه‌خانه‌ی تایبه‌ت به‌وانه‌ و پاراستنی ده‌ستنووس و رێكخستنی ئه‌رشیف له‌ هه‌رێمدا. ده‌یه‌م : ده‌رچواندنی ڕۆژنامه‌ ء گۆڤاری حكومی، یانزده‌یه‌م : پشتگیری ء ڕێزلێنانی نووسه‌رو ئه‌دیب ء شاعیر ء هونه‌رمه‌ند ء ڕۆژنامه‌نوسان به‌پێ ی پێوه‌ره‌ تایبه‌تیه‌كان. دوازده‌یه‌م : دامه‌زراندنی ئێستگه‌كانی ڕادیۆء ته‌له‌فزیۆن وئه‌نته‌رنێت له‌ هه‌رێمدا. سیازده‌یه‌م : دامه‌زراندنی ئاژانسی نوچه‌ی كوردستان ـ عێراق. چوارده‌یه‌م : مۆڵه‌ت پێدانی هۆیه‌كانی ڕاگه‌یاندن به‌هه‌ماهه‌نگی كردن له‌گه‌ڵ لایه‌نه‌ په‌یوه‌نداره‌كاندا. پانزده‌یه‌م :كاركردن له‌ پێناو دابینكردنی به‌شداریكردنی هه‌رێمی كوردستان له‌ چاڵاكیه‌ ڕۆشنبیرییء هونه‌رییء ڕاگه‌یاندنه‌كاندا له‌سه‌رئاستی عێراقی و هه‌رێمایه‌تی ء جیهانیدا. شانزده‌یه‌م : ڕوواندنی چه‌مكه‌كانی دیموكراتیه‌ت ء ڕێزلێنانی مافه‌كانی مرۆڤ ء ڕۆشنبیریی لێبورده‌یی ء فه‌ره‌یی ء خۆشه‌ویستی نیشتیمان ء چه‌سپاندنی گیانی ئینتیمای كوردستانی له‌ نێوان ڕۆڵه‌كانی گه‌لی كوردستاندا. حه‌ڤده‌یه‌م : ئاماده‌كردنی پلانی تایبه‌تی به‌ وه‌زاره‌ت ء به‌دوداچوونی جێبه‌جێكردنی ء پێشنیازكردنی پڕۆژه‌ی ئه‌و یاسانه‌ی كه‌ پێیه‌وه‌ په‌یوه‌ستن. هه‌ژده‌یه‌م : گرنگیدان به‌ هونه‌ری سینه‌مای كوردستانی وپه‌ره‌پێدانی پیشه‌ سازیه‌كه‌ی. نۆزده‌یه‌م : پێشكه‌شكردنی پشتگیری مادی و ئه‌ده‌بی بۆ داهێنه‌رانی خاوه‌ن پێداویستییه‌ تایبه‌تییه‌كان له‌ پێناو به‌رزكردنه‌وه‌ی ئاستی هونه‌ری و رۆشنبیریان. بیسته‌م : بڵاوكردنه‌وه‌ی هۆشیاری رۆشنبیری بۆ سنوردانان له‌ به‌كارهێنانی توندوتیژی له‌ كۆمه‌ڵگا دا به‌ تایبه‌ت دژی ئافره‌ت، هه‌روه‌ها بایه‌خدانی تایبه‌ت به‌ رۆشنبیری ژنانی به‌هره‌مه‌ند. بیست ویه‌كه‌م : پته‌وكردنی په‌یوه‌ندی رۆشنبیری له‌گه‌لأ نووسینگه‌كانی هه‌رێم له‌ باڵیوزخانه‌ و نوێنه‌رایه‌تیه‌ دبلۆماسییه‌كانی عێراق. پێكهاته‌كانی وه‌زاره‌ت

مادده‌ی سێیه‌م : وه‌زاره‌ت له‌م پێكهاتانه‌ی خواره‌وه‌ پێك دێ: یه‌كه‌م: وه‌زیر: سه‌رۆكی باڵای وه‌زاره‌ته‌ ء به‌رپرسه‌ له‌ ئاراسته‌كردنی كاروسیاسه‌ته‌كانی ء سه‌رپه‌رشتی ء چاودێری كردنی چاڵاكیه‌كانی ء، ئه‌و بڕیار و فه‌رمانء ڕێنماییانه‌ی له‌باره‌ی هه‌رشتێكی په‌یوه‌ندیی به‌ئه‌ركی وه‌زاره‌ت ء پێكهاته‌كانی له‌ هه‌موو روویه‌كی هونه‌ری ودارایی و ئابووری و رێكخستنه‌وه‌ هه‌یه‌ له‌وه‌وه‌ ده‌رده‌چن به‌ پێی حوكمه‌كانی یاساء به‌رپرسیشه‌ له‌به‌رده‌م ئه‌نجومه‌نی وه‌زیران به‌و ناوه‌ی كه‌ ئه‌ندامێكی هاوكاره‌ له‌و ئه‌نجومه‌نه‌دا ء بۆی هه‌یه‌ هه‌ندێك له‌ ده‌سه‌ڵاته‌كانی بدات به‌بریكاری وه‌زاره‌ت یا به‌ڕێوه‌به‌ره‌ گشتیه‌كان یان هه‌ریه‌كێكی به‌شیاوی ده‌زانێ له‌ وه‌زاره‌تدا. دووه‌م: بریكاری وه‌زاره‌ت: یاریده‌ی وه‌زیر ده‌دات له‌ ئاڕاسته‌كردنی وه‌زاره‌ت ء سه‌رپه‌رشتی كردنی كاروباره‌كانی له‌ چوارچێوه‌ی ئه‌و ده‌سه‌ڵاتانه‌ی كه‌ وه‌زیر پێی ده‌دات ء ده‌بێ بڕوانامه‌ی پسپۆڕی زانكۆی هه‌بێت ء پسپۆر و خاوه‌ن شاره‌زایی ء كارامه‌یی بێت. سێیه‌م: نوسینگه‌ی وه‌زیر: فه‌رمانبه‌رێك به‌پله‌ی به‌ڕێوه‌به‌ر به‌ڕێوه‌ی ده‌بات كه‌ بڕوانامه‌ی زانكۆی هه‌بێت ء چه‌ند فه‌رمانبه‌رێك یاریده‌ی ده‌ده‌ن. چواره‌م: نوسینگه‌ی بریكاری وه‌زاره‌ت: فه‌رمانبه‌رێك به‌پله‌ی به‌ڕێوه‌به‌ر به‌ڕێوه‌ی ده‌بات كه‌ بڕوانامه‌ی زانكۆی هه‌بێت ء چه‌ند فه‌رمانبه‌رێك یاریده‌ی ده‌ده‌ن. پێنجه‌م: ڕاوێژكاران: ژماره‌یان له‌ چوار ڕاوێژكار زیاتر نابێت كه‌ بڕوانامه‌ی پسپۆڕیی زانكۆیان هه‌بێت ء خاوه‌ن شاره‌زایی ء كارامه‌یی بن ء پسپۆڕییه‌كه‌یان له‌لایه‌ن وه‌زیره‌وه‌ ده‌ست نیشان ده‌كرێ. شه‌شه‌م: به‌ڕێوه‌به‌رایه‌تی گشتی كاروباری كارگێری ء دارایی: به‌ڕێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی زانكۆی هه‌بێت ء خاوه‌ن شاره‌زایی ء كارامه‌یی بێت. حه‌وته‌م: به‌ڕێوه‌به‌رایه‌تییه‌ گشتییه‌كانی ڕۆشنبیریی ء هونه‌ر له‌ پارێزگاكاندا: هه‌ریه‌ك له‌وانه‌ به‌رێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی پسپۆری زانكۆی هه‌بێت ء خاوه‌ن شاره‌زایی ء كارامه‌یی بێت. هه‌شته‌م: به‌ڕێوه‌به‌رایه‌تی گشتی كتێبخانه‌گشتیه‌كان: به‌ڕێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی پسپۆڕی زانكۆی هه‌بێت ء خاوه‌ن شاره‌زایی ء كارامه‌یی بێت. نۆیه‌م: به‌ڕێوه‌به‌رایه‌تی گشتی ڕۆژنامه‌ نووسی ء چاپكردن ء بڵاوكردنه‌وه‌: به‌ڕێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی پسپۆڕی زانكۆی هه‌بێت ء خاوه‌ن شاره‌زایی ء كارامه‌یی بێت. ده‌یه‌م: به‌ڕێوه‌به‌رایه‌تی گشتی ڕاگه‌یاندن: به‌ڕێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی پسپۆڕی زانكۆی هه‌بێت ء خاوه‌ن شاره‌زایی ء كارامه‌یی بێت. یازده‌م: به‌ڕێوه‌به‌رایه‌تی گشتی سینه‌ما: به‌ڕێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی پسپۆڕی زانكۆی هه‌بێت ء خاوه‌ن شاره‌زایی ء كارامه‌یی بێت. دوازده‌م: به‌ڕێوه‌به‌رایه‌تیی گشتی رۆشنبیریی وهونه‌ری توركمانی: به‌ڕێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی پسپۆڕی زانكۆی هه‌بێت ء خاوه‌ن شاره‌زایی ء كارامه‌یی بێت. سێزده‌م: به‌ڕێوه‌به‌رایه‌تی گشتیی رۆشنبیری وهونه‌ری سریانی: به‌ڕێوه‌به‌رێكی گشتی به‌ڕێوه‌ی ده‌بات كه‌ بڕوانامه‌ی پسپۆڕی زانكۆی هه‌بێت و خاوه‌ن شاره‌زایی و كارامه‌یی بێت.

مادده‌ی چواره‌م: وه‌زاره‌ت ئه‌نجومه‌نێكی ڕاوێژكاری ده‌بێتء له‌مانه‌ پێك دێ: یه‌كه‌م : وه‌زیر: سه‌رۆكه‌. دووه‌م : بریكاری وه‌زاره‌ت: ئه‌ندامه‌ له‌ كاتی ئاماده‌نه‌بوونی وه‌زیر سه‌رۆكایه‌تی ئه‌نجومه‌ن ده‌كات. سێیه‌م : ڕاوێژكاران: ئه‌ندامن. چواره‌م : به‌ڕێوه‌به‌ره‌گشتییه‌كانی وه‌زاره‌ت: ئه‌ندامن. پێنجه‌م : هه‌ر شاره‌زایه‌كی پسپۆڕی شیاو له‌ناو وه‌زاره‌ت یا ده‌ره‌وه‌ی، وه‌زیر هه‌ڵی ده‌بژێرێ: ئه‌ندامه‌. شه‌شه‌م : نوێنه‌ری وه‌زاره‌ته‌كانی په‌یوه‌ندیدار له‌سه‌ر بانگهێشتی وه‌زیر: ئه‌ندامن.

مادده‌ی پێنجه‌م: یه‌كه‌م : كاروپسپۆرایه‌تییه‌كانی پێكهاته‌كانی وه‌زاره‌ت به‌ پێڕه‌و ده‌سنیشان ده‌كرێن. دووه‌م : وه‌زیر بۆی هه‌یه‌ به‌ڕێوه‌به‌رایه‌تی یان به‌ش یان هۆبه‌ی وه‌زاره‌ت له‌ نوێ دابنێ یان لێكیان بدات یاخود هه‌ڵیانوه‌شێنێته‌وه‌ به‌ پێی پێویستی كاره‌كانی وه‌زاره‌ت له‌كاتی پێویست دا. سێیه‌م : وه‌زیر بۆی هه‌یه‌ ڕێنمایی پێویست بۆ ئاسانكاری جێبه‌جێ كردنی حوكمه‌كانی ئه‌م یاسایه‌ ده‌ربچووێنێ.

مادده‌ی شه‌شه‌م: یاسای ژماره‌ (11)ی ساڵی 1992 ی وه‌زاره‌تی ڕۆشنبیری و هه‌مواركردنی یاسای ژماره‌ (6)ی ساڵی 1998 هه‌ڵده‌وه‌شێته‌وه‌.

مادده‌ی حه‌وته‌م: كار به‌ هیچ ده‌قێكی یاسایی یان بڕیارێك ناكرێ ئه‌گه‌ر له‌گه‌لأ حوكمه‌كانی ئه‌م یاسایه‌ ناكۆك بێت.

مادده‌ی هه‌شته‌م: پێویسته‌ له‌سه‌ر ئه‌نجومه‌نی وه‌زیران و لایه‌نه‌ په‌یوه‌ندیداره‌كان حوكمه‌كانی ئه‌م یاسایه‌ جێبه‌جێ بكه‌ن.