مادده‌ی یه‌كه‌م

معرف المادة: 3201

رقم المادة : 36

مادده‌ی یه‌كه‌م: مه‌به‌ست له‌م زاراوانه‌ی خواره‌وه‌ ماناكانی به‌رامبه‌ریانه‌ بۆ مه‌به‌ستی ئه‌م یاسایه‌: یه‌كه‌م: هه‌رێم: هه‌رێمی كوردستان-عێراق. دووه‌م: خێزان: كۆمه‌ڵه‌ كه‌سێكی سروشتین، په‌یوه‌ندی هاوسه‌رگیری یان خزمایه‌تیان تاكو پله‌ی چواره‌م هه‌یه‌ و ئه‌وانه‌ی به‌پێی یاسا هاتوونه‌ته‌ ناو خێزانه‌وه‌. سێیه‌م: توند و تیژی خێزانی: هه‌ر كردارێك یان وته‌یه‌ك یان هه‌ڕه‌شه‌ یان پێ لێبكرێت له‌سه‌ر بنه‌مای جۆری كۆمه‌ڵایه‌تی له‌ چوارچێوه‌ی په‌یوه‌ندی خێزانیدا كه‌ له‌سه‌ر بنه‌مای هاوسه‌رگیری یان خزمایه‌تی تا پله‌ی چواره‌م بنیات نرابێ و ئه‌وانه‌ی به‌پێی یاسا هاتوونه‌ته‌ ناو خێزانه‌وه‌ ئه‌شێ له‌ باری جه‌سته‌یی و جنسی و ده‌روونییه‌وه‌ زیانیان پێ بگه‌یه‌نی و ماف و ئازادییان له‌ده‌ست بدات. چواره‌م: دادگا: دادگای به‌ره‌نگاربوونه‌وه‌ی توندوتیژی خێزانی.

الموضوع: هه‌رێم,خێزان,توند و تیژی خێزانی,دادگا