ماددەى (3):
یەكەم: لیژنەیەك لە وەزارەت بەناوی (لیژنەی باڵای نەهێشتنی ماددە هۆشبەرە و كارتێكارە عەقڵییەكان) پێكدەهێنرێت.
دووەم: لیژنەی باڵا، بە سەرۆكایەتی وەزیر دەبێت و جێگرەكەشی، (جێگری ئاسایشی گشتی هەرێم)دەبێت.
سێیەم: ئەندامانی لیژنەی باڵا، لەمانەی خوارەوە پێكدێت:
1- بەرێوەبەری گشتی فەرمانگەی كاروباری هونەریی لە وەزارەت.
2- بەرێوەبەری چاودێری تەندروستی دەروونی.
3- بەرێوەبەری پەیمانگەی پزیشكی دادیی.
4- بەرێوەبەری دەستەی گومرگەكان.
5- بەرێوەبەری پۆلیسی گومرگ.
6- نوێنەرێكی هەریەكە لەم لایەن و وەزارەتانەی خوارەوە، كە پلەی هیچ كامیان لە بەڕێوەبەری گشتیی كەمتر نەبێت:
أ- دیوانی ئەنجوومەنی وەزیران.
ب- وەزارەتی داد.
ج- وەزارەتی دارایی و ئابووری.
د- وەزارەتی كار و كاروباری كۆمەڵایەتی.
هـ- وەزارەتی كشتوكاڵ و سەرچاوەكانی ئاو.
و- وەزارەتی ناوخۆ.
ز- دەزگای ئاسایش.
7- نوێنەری هەریەكە لە سەندیكاكانی پزیشكان و دەرمانسازان.
چوارەم: وەزیر فەرمانبەرێكی وەزارەت كە پلەی وەزیفی لە بەڕێوبەر كەمتر نەبێ، وەك بڕیاردەری لێژنەی باڵا دەستنیشان دەكات.
پێنجەم: سەرۆكی لیژنەی باڵا بۆی هەیە بانگهێشتی هەرشارەزایەك لە بواری نەهێشتنی بازگانیپێكردنی ناڕەوا بە ماددە هۆشبەر یان كارتێكارە عەقڵییەكان بكات، بە مەبەستی وەرگرتنی بۆچوونی، بێ ئەوەی مافی دەنگدانی هەبێت.
الموضوع: پێكدەهێنانی لیژنەی باڵای نەهێشتنی ماددە هۆشبەر و كارتێكارە عەقڵییەكان,نقش سەرۆكایەتی وەزیر دروستكردنی لیژنەی باڵا,شێوەی پێكدانی ئەندامانی لیژنەی باڵا,نقش وەزیر فەرمانبەر لە بەرزكردنەوەی پلەی وەزیفی,بانگهێشتی هەرشارەزایەك لە بواری نەهێشتنی بازگانی